Posts

Showing posts from July, 2023

35. Mwathani îtũ thikîra

 1.  Mwathani îtũ thikîra, Kîrîro gia antû baku, Barîa batwîre nthîgûru, Bendeete Jesû. Cwageni na bûkoona, Na bûringaringe mwari; Rombeni na bukaewa, Inya ya  Jesû. 2.  Jesû nîwe Mûtongeeria, Wa baria beetite Igûrû; Wenda gûkinya Îgûrû, Njîra nî Jesû. 3.  Riũa i nandî rîkuuma, Natuî nî bwega tûkîîre; Twireebe na Mwathi Jesû, Tûeewe thîîrî. 4.  Jau jonthe twakûromba, Ûkeenda ûtûûjûririe; nt in Ti gûkwaatha tûgûkwaatha,  Ni wendi bwaku.

36. Mwathani o Gwe woonokanagia

 1.  Mwathani o Gwe woonokanagia, Mwanki jwaku tûrectere; Ûtwînîkire kîewa gîaku, Mwanki jwaku tûreetere; Ni kenda tûûmbe kwona Îgûrû, Ûtwînîkîre Kîrundu waku, Twîkîre inya nkoro-ne cietû; Mwanki jwaku tûreetere. 2.  Ta ûrîa waacokeerie Elija, Mwanki jwaku tûreetere; Ûtûthîkîîre Mwathani wa kîao; Mwanki jwaku tûreetere, Meeyia jaakîîrue nkoro-ne cictû. Ûtûthaarîre na mwago jwaku, Na tûrîenda wambie natuî twinthe, Mwanki jwaku tûreetere. 3.  Twakwerenca ûtwee mwanki nandî, Mwanki jwaku tûreetere, Twathûkane na mantû jamaî, Mwanki jwaku tûrectere: Tûtigane na njîra cia muundu. Tûthithie mantû o ja wagîru; Mîîtire yetû  îgûkumithagie, Mwanki jwaku tûreetere. 4.  Tûkûthûûmbe tûrî na ûcamba, Mwanki jwaku tûreetere, Eeyia beetîkîre ûboonokie, Mwanki jwaku tûreetere; 5.  Wîtîkîre tui twee kigongwana, Twainyiiyia au magûrû-ne jaku, Mwathani twakwerenca ûtwigue, Mwanki jwaku tûreetere.

37. Mwathani wetû kambîjîte nandî

 1.  Mwathani wetû kambîjîte nandî, Nkîendaga ûmbûjûrie inya yaku; Ûnteethie Mwathani, ûmbigirue kîao, Nînkwenda ûntheria nkoro yakwa.      Ntethia nandi, Mwathani wetu,      Ûmpe inya yaku na wendo bwaku. 2.  Kirundu Ûmûtheru nowe ûumba, Kumbujuria inya na wendo na kiao; Mbigiîrue kĩao barĩa batîkwiijî, Ngie wiru bûunene ngũgĩ-ne yaku. 3.  Baaba Mutheru ningûkûnenkera, Nkoro yakwa mpe umutheru ta Gwe; Ûmpumbîre nkoro înjerũ ta îraa, Ng'uanane na Jesû Mwathani wetu.

38. Ndî mwîyia kinya - o-mbona

 1.  Ndî mwîyia kinya - o-mbona, Baaba wetû wa Îgûrũ; Kuuma gûciarwa gwakwa, Ûni no nthithagia, bûûî.  (2x) 2.  Ntûûraga mûgundu-ne, Na ntîkwona ûthûku bwakwa; Ntîroonaga ta ndî mwîyia, Kana nkamenya ûrî-û-mwega. (2x) 3.  Na nandî nteto ciaku, Nî inkûrûkîte nkoro-ne; Ikamunta ta îtumo, Na ngaciigua na nkaimenya.  (2x) 4.  Nî mma inkwigua rwakaî, Baaba mwega nkanyamaara; Tega methori jakwa, Nkîrîrua nî meeyia jakwa.  (2x) 5.  Nîî mbuïrite kûthûûra, Momaramari o jonthe; Na mbuîrtîe gûtigaana. Na into bia Shaitani bionthe. (2x) 6.  Ûnciare kaîrî Baaba, Mbîkîra Kîrundu waku; Antheragie nkoro yakwa, Na ambîkîre inya, înjeru.  (2x)

39. Nthûûja nkoro yakwa ndene

 1.  Nthûûja nkoro yakwa  ndene, Ndakwerenca mono; Ûnteethie mpe o nandî îjî, Mwana Waku  buru. 2.   Thiria ûaramari bwakwa, Na tharike yaku; Meenyage atî ûrî inya, Ya kûûmba Shaitani. 3.  Nkaragia magita jonthe, Ndî njîre-ne yaku; Nî înjega na îrî inya, Ningi ya thiîri. 4.  Nthûûja nkoro yakwa ndene, Menye ntî na inya; No Jesû wenka ûûmbîkia, Gûmpûmbanagîra. 5.  Nthûûja nkoro yakwa ndene, Ûmîtherie nandî; Ûmîeethie tawa ya Jesû, Ya kûthaarîra antu. 6.  Barîa barî mûgundu-ne, Tûma bacûe werû; Na rîrîa ûgacoka nthĩ, Ûbaikie Igûrû.

40. Mûrungu arî aja akîendaga

 1.  Mûrungu arî aja akîendaga,  gûtûthaarima twinthe; Antû  beetû nitûrombe,  tweewe Kîrundu  wawe. Tûthaarime twakwerenca, Tuurithîîrie itharimo;  Mwathani tûgwetecreete  Ûtwe inya înjera. 2.  Mûrungu arî aja amwe natuî,  antû aja aatheru; Antû bonthe nîtûrombe,   atherie nkoro cietû. 3.  Mûrungu arî aja akîendaga,  tuî tûmwee nkoro cietû; Atûûjûrie wendo bwawe,  na kîtharimo kiawe. 4.  Mwathani nandî ûtwigue,  tûkwinyiiyia kîrî Gwe; Twînîkîre itharimo,  biunîkare nkoro-ne.

41. Mûrungu mwega Mwigua kîao

 1.  Mûrungu mwega Mwigua kîao, Ûmbigithie wendo bwaku. Nkoro ndene; Ûmbûjûrie wendo bûu, Ngîe na nkoro ta ya Jesû, Mwana waku. 2.  Ûmpe kwirira kûnene, Niûntûbwa kwagana gwakwa, Kinya uremi; Umpe kïeba ndiikanage, Jamaingi mma. Ûria ndanakûremera; 3.  Nteethia mono kuumbûraga, Uui bwakwa bunthe bunthe; Mûrungu mwega. Kenda nagwe ûndekere; Tontu bwa kûnyamaara, Kwa Mûtanoku. 4.  Ntûmîra Kirundu ûmwega, Mbûjûragwe nîwe nkoro; Îgita rîonthe, Ta Mwathani wakwa Jesû; Mbîthagîrwe ndî ûmwagîru. Ûmpeendaga. 5.  Ûmpe wiru bûbûnene, Bwa kwonagia antu bangi; Wendo bwaku, Ndîbeerage ûri wa kiao, Nwendaga kûbarekera; Ûbookîîrie. 6.  Ndîenda ntûme bakwiirayie, Bakûmenye na bakwende; Baaba wetû, Kenda antû bagûkumie, Na bakweethie Mûboonokia; Nthigûrû îjî.

42. Ûni ndÎkûnyoonta mono

 1.  Ûni ndÎkûnyoonta mono, ndeta kûnyûa rûûjî, Rûûji rwa Jesû  nî mwoyo jwa kenya na kenya.       Mwoyo, mwoyo,      jûu jwa Jesû nkanyoontoke.      Mwoyo, mwoyo,       jûu jwa Jesû nkanyoontoke. 2.   Nkoro yakwa îrî na rûko,  nîkwenda kûthambua, Jesû nîatheragia  nkoro îrîa îrî na rûko. 3.  Meeyia jakwa nî jamaingî,  nînkwirira narua, Jesû nîendaga mwiriri  ûkwenda ŭrekeri. 4.  Mpara yakwa nî înene,  ndîta kîrî Jesû,  Biakûria biawe ni mwoyo,  jwa kenya na kenya.. 5.  Rûgendo-ne rûrû  rwakwa,  rîrîa ntwîre nthî  îjî, Jesû neendaga ni mbitie  ngatûûranie nawe

43. Gûti nkanja ni ngakinya,

  1.  Gûti nkanja ni ngakinya,  Nthigûrûya Jesû; Na nkoonana na Murungu, O metho kwa metho. 2.  Ûni ntîbuirîte, Kwîjaîja kîrî Gwe; Ndîna meeyia jamaingî. Nî nkwigua ûguaa. 3.  Tiga kwigua ûguaa, Nindakûthaambirie; Na ngigwikira ngutuki, Iria ya wonokio. 4.  Nandî ingûkûgwata, Twîtanagie nagwe; Mwari jûrîa jwa igûrû, Tûkarugûrîrwa.

44. Nî ni nkwigua mûgambo

 1.  Nî ni nkwigua mûgambo, Jwa Jesû Mwathani: Nîakûmbîta mûthengeere, Anthambie nkorone. Nthagaana, Jesû, Mbîje kîrî Gwe; Ûnthambie nkoro yakwa, Na tharike ntheru . 2.  Mbîjîte 'nogi mono, Mbonia a kuurûka; Nkûûragwa nî ngutugunya, Ya wingî bwa meeyia. 3.  Nî ni Jesû agwîta, Kenda anditana; Ntûûrage, mwoyo jûmwega, Gûkû na Īgûru. 4.  Twagûkumia, Mûkûûri, Mwonokia wa antû, Niûntû bwa tharike yaku Yoguri bûbûûmo.

45. Nî nkwîja Mwathani wetû

 1. Nî nkwîja Mwathani wetû,  twaranîrie nagwe, Ntina ûûme, ntîna inya,  ndĩ kaana gaku. Nî nkwîja Mwathani wetû,  twaranîrie nagwe, Ntina ûûme, ntîna inya,  ndĩ kaana gaku. 2.  Ntîraromba ni ngûkwira,  urĩa ngwîkîîrîîte, Nigwe waaritire Jesû,  atuîke Mûnkûûri. 3. Tûma Nkoro yûjûragwe,  ni wendo bwa Jesû, Ntigage kwigua rûriitho,  ntige ûthû bunthe. 4.  Na ûmpeejage kûûmîîria,  îgita rĩa  mookia, Ni kenda mîkariî yakwa îgukumithagie. 5.  Ûntu o bunthe twaromba,  nîtwijĩ ûkûbwigua, Na nî watûciîtîrie ati,  no tûkaagĩa nabu. 6.  Na nandi magita jonthe,  ja mookĩa kana mbi, Nkoro yakwa nîcancamuki  ni wendo bwaku.

46. Ngookîra mbîte kiri Jesû

 1.  Ngookîra mbîte kiri Jesû, Nkoro yakwa niînogete mma; Ndigûtigana na Shaitani, Mpe Jesû nkoro ni. Jesû ni ndîkwija kîrî Gwe, Ntigîte meeyia nyuma yakwa; Aandika riitwa riakwa au, Tontu ni ndi waku. 2.  Kinya riria ndarî kûraja, Baaba netereete ngacoka; Aancûnce arî na kûgwirua, Kinya ndî o ncangiri. 3.  Gûkû ntûraga ntoona wega. No mûrimo na kîeba kiingî; Nîngûcoka kîrî Mwathani, Ambujurie thîîrî. 4.  Ntîna wagiru bwakwa nîngwa, Ndîrîgîîra ûtugi bwa Jesû; Aanthambie na tharike yawe, Mpûûmbage Shaitani.

47. Mbereerete o kúraja,

 1.  Mbereerete o kúraja, Nkwirira nandî: Ntigane na ûmaramari, Nkwîja Mwathani. Nî nkwîja kîrî Gwe, Ntige kwereera; Ndakwerenca ûmpambîîrie; Nkwîja Mwathani. 2.   Ni nteete miaka îmiingî, Nkwirira nandi; Ni nkwirira nti na nkanja, Nkwija Mwathani. 3.  Nkunogua ni guciînyangia, Nkwirira nandi; Ningwitikia nteto ciaku, Nkwija Mwathani. 4.  Nkoro yakwa nî îmbajie mma, Nkwirira nandĩ; Mpa inya na wirîgîiro, Nkwija Mwathani. 5.   Jesû nigwe kigongwana, Nkwirira nandi; Nkwirigagiire Gwe gwenka, Nkwija Mwathani. 6.   Tontu bwa tharike yaku, Nkwirira nandi; Mpe muntu waku thirîria; Nkwija Mwathani.

48. O ûu nkari Mwathani

 1. O ûu nkari Mwathani, Ndi ûmûthûku na ndĩ mwïyia; Tontûûmbîtaga na wendo, Mûkûûri kambije nandî. 2.  Ndiija o uu ndi na ruko, Tontûnûthambagia eeyia; Na tharike yaku gwengwa. Mûkûûri kambije nandi. 3.  Ndiija o uu ntîna uume, Ndĩ nkia na ndĩ mutumumu; Nciraltic ûtugi bwaku, Mûkûûri kambije nandi. 4.  O uu nkari ni mbiji, Gûtirio ukarimpinga; Tontu bwa wirane bwaku, Mûkûûri kambije; nandi.

49. andi Mwathi ndakwerenca,

 1.  Nandi Mwathi ndakwerenca,  Ûgantiga ndi meeyi-e-ne;  Ija ntûti ûmbonokie. Undite muundu-ne, Mpambiîria o nandi, O ûu ni nkari; Tontů nigwe waankuiriire, Nandi Jesû njukia., 2.  Ndi mwiyia ntiumba gwiteethia, Nogwe ûûmbikia kûnthambia; Na tharike yaku mwene, Ûmpeethie u-mweru. 3.  Ntiumbikia ni gûciagiria, Tontu mpaatagia ntikwenda; Niûntûbwa bwa riitwa ria Jesû, Theria nkoro yakwa. 4.  Ni ndi maguru-ne jaku, Wambie ngugi o nandi; Na uthithie uria ûkwenda, Nkoro yakwa ndene. 5.  Ogantuma o nandi ndecta, Gûntûo kûria ûkwenda; Ngatumiîric nkuma yaku, Kûria ûtiijiwe.

50. Tharike ntharime niyo

 1.  Tharike ntharime niyo, Ituthambagia batuĩ; Mûtana wa mûmwe o Mûrungu, Niwe watûkuiriire, Mbuîrîte no kugambithua. Na ntiumbikia gûcionokia, Nikwenda tharike Tu; Intherie ntikagambithue. Mutheru mono,mutheru mono, Ndathambua na tharike Tu; No ntuïke ûmutheru mma. 2.  Karaja Jesû naakuire, Agikua niûntû bwakwa; Na naathangikiirue mono, Athangîka ni gumpenda, Ninkwenda kutherua nandi; Na tharike yawe yonka, Nkoro-ne ndari na ruko, Mbithirwe ntherete mono. 3.  Baba inthûkîîtie mono, Nkoro yakwa ni ithuûki mma, Ndîna meeyia jamaingï ûju; Nia nkaarita Mwonokia? Jesû kambije o nandi,  Muuro-ne juu jwa tharike. Niju juthiragia meeyia; Nthambia nkoro yeenie ta îraa.

51. Ija Mwathani ûkûrûke ndene

 1. Ija Mwathani ûkûrûke ndene, Tiga kurungama o mwari-ne; Nandi ndikwigua mugambo jwaku, Mwathani Jesû kûrûka ndene. 2.  Riũa irithûi kûrî na muundu, O na kûrî na mitino îmiingî; Gûti nkanja kagita ikabui, Ni nkwenda mono ukurûke ndene. 3.  Nkwigua nthao tontu kûrĩ thîna, Into biakwa bionthe ibiinyangîte; Ningi kinya bio ibiaraganîtue, Mpumba gûkûgwata ugeni atia? 4.  Uni nîndemi ni kwithithîria, Nani ntikwenda urungama oome: Mathina jau ijambonagia. Ati uni ndîna bata nagwe. 5.  Tontu bûů ndikuromba wîje, Guti na mugeni ungi tagwe; Wakûrûka niûkûnthongomeria, Ûthongomie mûcii jwa nkoro yakwa.

52. Jesû Gwe riũa rĩa wega

 1.  Jesû Gwe riũa rĩa wega, Thaaraga nkoro-ne cietu; Ûcionanie twakwerenca. Eebia muundu jwetu junthe. 2.  Batui twitaga tukari, Ta ntũnga turi njîre-ne; Itu nju riũa ria wega, Ûgatwoonie njira yetu. 3.  Rîrîa uti nkoro-ne cietu, No muundu jûûjûrîte ku; Riũa rietũ cionithanie, Ni kenda tugia na werũ. 4.  Murikîra nkoro cietu, Mûgundu junthe jûthire; Tontu gwaku gûti muundu, No werũ magita jonthe.

53. Mûrungu Baaba nthikiira

 1.  Mûrungu Baaba nthikiira, Ngikuromba ncinyiîtie; Ntina inya na ndi ûmûûthũ, Nimbateerue nigwe mono. 2.  Mûrungu Baaba menyithagia, Ûria ukwenda ndene yakwa; Ndirikania watho bwaku, Ûnteethagie nthithie bwega. 3.  Murungu Baaba ndiikania, Ûrî akuî îgita rionthe, Ntîkarîkucue nî uthuku, Nkarage ndi umutheru. 4.  Murungu Baaba rita ngũgî, Uri akui îgita rionthe; Nawe Jesû anenewue, Mantune jakwa o jonthe. 5.  Murungu Baaba ntongagîîria, Ngwata njara untirithie; Ûgeni buũ bwathira, Nkinye gwaku ndina thîîrî.

54. Mwathani Murungu arîûria antu bawe

  1.  Mwathani Murungu  arîûria antu bawe, Ni uthuûku bûrîku mbuthithirîtie; Tontu bamwe benu bamatûkîte, Beeta kûthûmbaga mirungu îngî? Arîtûmiïria akeera antû bawe, "Ncokeereni buĩ bwinthe antu bakwa  Butige ithima biria birî na nkuũ  Biria bitiumbikia kûgwatia rûûji." 2.   Bamwe baûrîrite  mantu-ne ja nthi, Ja ngutu nduritho ona ncambanio; Boorirua ati kinya biu no ithima, Biria bitiumbikia kûgwatia rûûji. 3.  Bangi baûrîrite kiri  motonga Ja mbia, miunda na kinya manyomba; Na boorirua ati kinya biu no ithima, Biria bitiumbikia kûgwatia rûûjî. 4.  Jesû niwe Njira na  Rûteto rwa mma, Niwe Kithima kia Rûûji rwa Mwoyo; Mucookeere nawe agûkundie rûûjî, Ûthirwe  nyonta ya meeyia jonthe.

55. Nteto ciaku, Jesû

 1.   Nteto ciaku, Jesû, Nicio inthongi mono; Kethira tugaciîtîkia, Igatwonia werũ. 2.  Anthũ bathengeera, Tûtîkarîbakira; Nteto ciaku cia thîîrî, Igatumagîîria. 3.  Kiurutani kieja, Na matu jatuthiîka, Igatûmûrîkîra, Tuume ugwatine. 4.  Ningi nteto ciaku, Nicio itutugaga; Na nicio ciumagïíria, Baria bakurira. 5.  Muntû ûmwitikitie, Atiagikia kûgwirua, Tontûnoonagua njira, Ni weru bwa Jesû. 6.  Ûtonga bwa nthi iji, Ti ta nkoro înjega; Indi kûgia na Jesû, Kûretage thiiri. 7.  Mwoyo jwa ûûmbani, Juumaga kiri Jesû; Tûmwendage turi nthi, Batui aana bawe. 8.  Matuku jaathira, Ja gûtüüra gükûnthi; Tügatüüra na Jesû, Kenya mwanka kenya.

56. Rüteto rwa Mürungu

 1.  Rüteto rwa Mürungu,  rütüüraga na inya, Nîru rûtongagiîria,  barîa betîkîîtie 2.  Riria twacîgiîrua nî  anthu beetu ba nkoro, Igita riu nteto cia mma  igatumagiria. 3.   Rîria ibuubani,  bigatubîrabîra; Niru rûgatwiigira  na rutwoonie njira. 4.  Nû ûûmba gütara,  miriikana ya Kirundu; Iria arctagira,  baria abooreru. 5.  Niru rwonagîîria,  baria bari na mwoyo; Rukabooreria baria  barî beco gukua. 6.   Tükuucagie Baaba,  na Iuku rîrîtheru; Ni kenda tükweendage,  turi akui nagwe.

57. Mürungu luku riaku

1.  Mürungu luku riaku, Ni rîîtheru ni kioni, Rinteethagia kwagira; Ngita o güntûkunthe.  2.  Nirio rimboonagîîria, Ndaciariirwe meeyic-ne; Ni ndatuura nkiagia, Ndi kionje na ndî mûkia. 3.  Ni rimbonagia Tgamba, Rietûtui antûba nthi; Ningi riria twaûrite, Mwathani agitükuira. 4.   Wendani bwa Mwathani, Tübwoonaga kiri rio; We naaritire mwoyo, Ni kenda atwoonokie. 5.  Nirio rimbonagiria, Oria ni ngakaraga:  Riria rionthe ndi mwoyo, Kenda mpeendaga Jesû 6.  Ntuku cionthe cia mookia, Juku riri ndi o nario; Ririuga nkaithangîkia, Nkarage ndene yawe. 7.  Ndeetikia watho bwa rio, Ndakua ntikoona muundu; Nkoona werû bûünene, Kiri Mwathani Jesû.

58. Jehova Mwathani kuuma o kiambîîria

  1.  Jehova Mwathani  kuuma o kiambîîria, Gütirio watiganiria  nthumba ciaku; Ni ubakaragia  na ukaria buûnene, Gwikiirwa na ukumio  birogücookera.      Gwîkîirwa na ukumio       birogücookera,      O riria nthumba ciaku       ciumagarîte      Utamburukîtie njara îgûru rîao,      Gwikiirwa na ukumio       birogücookera. 2.  Kaaru kaang'enta,  Joshua eerire Murungu, Riua ni rirungame o au rîrî, Mwanka riria nkoomba  anthu bakwa bonthe, Gwîkîîrwa na ukumio  birogücookera. 3.  Baagera Danieli  irinya rĩa ngatunyi, Nabo Shadraka  baagerwa mwanki-ne, Waabaritire ku  na ukumio bûûnene, Gwîkîirwa na ukumio  birogücookera. 4.  Jehova nigwe  yumagariro riakwa, Na kinya gümpaania  nogwe Mwathani, Nteethagia kumenya  ûrî inya inyiingi, Gwîkîirwa na ukumio  birogücooke…

59. Mürungu wakwa indigaraga mono

 1.  Mürungu wakwa indigaraga mono, Ngitarania úria Gwe ukari, Ngorogoro, njota, mweri na bionthe, Biagiîre nî ûntu bwa inya yaku. Nkoro yakwa ni igükwinira Ni untu bwa ûria ûrî Mûnene; Nkoro yakwa ni îgukwinîra, Ni untu bwa uria ûrî Münene. 2.  O kuria kunthe mbîtaga guku nthi, Mbigagua nyoni igîkügoonga; Irima ibigwiragia metho mono, Kinya karuuo no kangwiragia. 3.  Ningi ndariikana Murungu Baaba, Kiewa gîaku gia kûrigaria; Jesû Kristo aakuire atwoonokie, Kenda twinthe tukagairwa mwoyo. 4.  Müküri Jesû rîria agacoka, Ampaanie ntûra îu ya Îgûru; Ngaatuura gûkumagia riitwa riawe, Na ngwirague ni wendani bwawe.